ظلموني .,. واللهي العظيم برئ

فكرة الموضوع حلوة اوى اولا
ثانيا المفروض لو انا مكانك انت مش كنت قلتها مادام انت شايف انها مش حلوة يبقى مش كنت قلتها ومادام المدرسه مش سمعتها كنت قولها انت كمان مش سمعته وعدى الموقف وخلاص


اما بالنسبه لحته الظلم دى انا دايما مظلومه لدرجه انى حاسه ان انا والظلم اخوات واصحاب
بس اكتر موقف اثر فيا بجد موقف وانا فى الثانوى كان ليا واحد بعتبره زى اخويا يلا ربنا يسهله ويهديه كان طلب منى تليفونى وانا اديتهوله بحسن نيه وعدى اليوم وايام كتير بعدها وفجأه لقيت واحد بيزعق عندنا وبيقول انى خرجت ارقام بنات وعطيتها لولاد وقولتلهم اشتغلوهم
وانا مش عملت كده وده مش من اخلاقى اصلا بس اقول ايه بقى اتصلت على البنت دى ويهديكى ويرضيكى ومعقوله تصدقى عنى كده برده وانا استحاله اعمل كده وفين وفين ولا حياه لمن تنادى بعدها عرفت ان هو كلمها ولما ردت عليه وحش لان من غباءه اصلا اتصل بواحده مخطوبه الاستاذ علشان يبرأ نفسه قدامها يقولها دى .........(انا يعنى) اديتنا رقمك وقالت كلموها
الموضوع مش هدى الا لما شلت الخط وكسرته خالص والتليفون اتصادر منى من غير حتى ما يفهموا الحقيقه
احساس وحش اوى انك تحس انك مظلوم ورحت ضحيه لطيبه قلبك وان اللى حواليك مش عاوزين يفهموك ومش ببالغ بكلمه مش عاوزين لان دايما الناس بتشمت فيك وما بتصدق زى ما يكون مش مصدقين ومسكوا حاجه عليك يعنى انا بحس انى لحد دلوقتى اما ببص فى عين البنت دى بفتكر الموقف ده انما الاستاذ اللى كنت بحترمه وحطاه فى مكانه اخويا ولا اتهز له شعره حتى
هو دايما كده يسيبوا الظالم ويمسكوا فى المظلوم بدل ما يتقال كلمه كويسه
وعلى فكرة انا والله فضلت بعدها حوالى شهرين مش اروح المدرسه ولا اخرج ومريت بايام سوده يلا الحمد لله انها عدت

الدنيا فيها الظالم و المظلوم و مفيش مكان فالعالم كله مفيش فيه ظلم و دايما المظلوم هوه الي بيلبس كل حاجه لانه بيشعر بالضعف و الخوف من الظالم لانه باعتقاده ان الظالم ده عنده ملكوت السماوات و الارض و دي فكره خاظئه بيشوفها كل من هم ذو قلوب صعيفه و حساسه , لازت تتحلى بالثبات و القوه و ضع نصب عينيك ان كل جبار ظالم هوه من جنس ادم و حواء لا فرق بينك و بينه ان كان غني و انت فقير او ان كان قوي و انت ضعيف , كلنا سواء لا فرق بين انسان و اخر

خلي ايمانك قوي و متخافيش من اي حد الي انتى شايفه مناسب ليكي اعمليه دون تردد

ههههههه تستاهل علشان متعملش فهلوى انا حضرتلك مواقف كيير ومنها مدرسة التاريخ (عزززززز) ولا اية رايك

المظلوم كتب :
الدنيا فيها الظالم و المظلوم و مفيش مكان فالعالم كله مفيش فيه ظلم و دايما المظلوم هوه الي بيلبس كل حاجه لانه بيشعر بالضعف و الخوف من الظالم لانه باعتقاده ان الظالم ده عنده ملكوت السماوات و الارض و دي فكره خاظئه بيشوفها كل من هم ذو قلوب صعيفه و حساسه , لازت تتحلى بالثبات و القوه و ضع نصب عينيك ان كل جبار ظالم هوه من جنس ادم و حواء لا فرق بينك و بينه ان كان غني و انت فقير او ان كان قوي و انت ضعيف , كلنا سواء لا فرق بين انسان و اخر

خلي ايمانك قوي و متخافيش من اي حد الي انتى شايفه مناسب ليكي اعمليه دون تردد


على فكرة مش كل الناس بتقدر اللى بتعمله سواء مناسب ليك او لا كل واحد بيفكر بمنطق نفسى وبس محدش بيحط نفسه مكان حد ولا حد بيقدر موقف حد علشان كده اساسا بنظلم بعض وفى ظالم ومظلوم
الحكايه كلها تتلخص انى قبل ما افكر انى اظلم حد اشوف هو فعلا يستاهل ولا هو مش عملى حاجه يستاهل انى اظلمه بيها
يعنى اللى اديتله التليفون ده وعاملته بحسن نيه لو كان كلف خاطره وقال دى فى مقام اختى وحرام مش كان ده حصل
وبعدين فى مثل بيقول :؛؛ يا بخت من بات مظلوم وما باتش ظالم؛؛.
وفى حديث للرسول صلى الله عليه وسلم ببيقول : دعوة المظلوم ليس بينها وبين الله حجاب؛؛ .
عالعموم انا مش زعلانه انا زعلت بس ان حسن نيتى اتردلى عكس خالص

بجد هايل
[ندعوك للتسجيل في المنتدى أو التعريف بنفسك لمعاينة هذا الرابط]

انت بجد مظلوم والواد دة غبى يقول كلمة فرنساوى وسخة فى حصة الفرنساوى وقدام مدرسة كمان
طب كان يقولها فى حصة عربى

لو وقفنا عند الظلم فاأكيد المواقف كتيره اوى

انا عارف الكلمه الي قلها الواد

لو سمحتم مش تحولوا الموضوع لحوار خاص اتظلمت يا تحكى يا لا
انما مش نسيب الموضوع ونتكلم فى الكلمه وخلاص عدت

هههههههههههههههههههههههه
ياضالمين هوا فيه ولاد بتتظلم ابدا ياظالمين

كلنا بنتظلم على فكره و مفيش حد معصوم عن الظلم .
و بعدين انا عاوز افهم حاه واحده بس من حضرتك "ايه حكايتك مع الاولاد كل حاجه غلط تتهميها فيهم" صوابعك مش زي بعض برده و لا ايه فياريت تشاركينا في قسم الحياة مواقف و قوليلنا ايه الي مدايقك لعل و عسى يكون لنا دور في فك الازمه الي بتمري بيها